Ons skool

Reeds voor die skool geopen is, is daar aan die werk gespring. Mnr D.J van Tonder is vanaf die Onderwyskollege Goudstad na Secunda gesekondeer as waarnemende hoof. ‘n Voorlopie kantoor vir die nuwe skool is by Laerskool Secunda ingerig. By die eerste oueraand is ‘n skooldragkomitee gekies wat aanbeveel het dat die skool se kleure roesbruin, suurlemoengeel en turkoois sou wees. Mnr van Tonder beveel aan dat die leuse van die skool sal wees: Glo en Doen. Die metaalmolekule is gebruik vir die basis van die skoolwapen. Die eerste twee leerlinge, Anna Blignaut en Greta Kruger, is op 12 Desember ingeskryf. Die skool open vir die leerlinge 8 Januarie 1980. Te midde van gietende reën vind 508 leerlinge en 29 onderwysers hulle weg deur modder en turf na ‘n onvoltooide saal vir die opening.